2022 අප්‍රේල් 22, ප.ව. 3:36
ඉකුත් 18 වැනිදා නව කැබිනට් ඇමතිවරු 17 දෙනෙකු දිවුරුම් දුන්නා.
එහෙත් එසේ දිවුරුම් දෙන අමාත්‍යවරු සංඛ්‍යාව 18 ලෙසයි මාධ්‍ය වල පළ වූයේ.
දිවුරුම් නොදුන් මන්ත්‍රී
ඉකුත් 18 වෙනි දින කැබිනට් ඇමතිවරයෙකු ලෙස දිවුරුම් නොදුන් 18 වෙනි මන්ත්‍රීවරයා කවුදැයි යන්න මේ වන විට හෙළිදරව් වී තිබෙනවා.
ඒ පොළොන්නරුව දිස්ත්‍රික්කය නියෝජනය කරන රොෂාන් රණසිංහ මහතායි.
ඔහුට ඉඩම් කැබිනට් ඇමති ධූරයේ දිවුරුම් දෙන ලෙස ජනපතිවරයා ආරාධනා කර තිබෙනවා.
මන්ත්‍රීවරයාගේ ප්‍රතිචාරය
එහෙත් රොෂාන් රණසිංහ මහතා එම ආරාධනය පිළිගෙන නැහැ.
රොෂාන් රණසිංහ මහතා මීට ටික දිනකට පෙර තමන් දැරූ රාජ්‍ය ඇමති ධූරයෙන්ද ඉල්ලා අස් වූවා.
ඉන් පසුව පාර්ලිමේන්තුවේ ස්වාධීන වූ අනුර ප්‍රියදර්ශන යාපා මහතාගේ නායකත්වයෙන් යුත් මන්ත්‍රී කණ්ඩායමේ සාමාජිකයෙකු ලෙස ඔහුගේ නමත් ප්‍රකාශයට පත් වුණා.
නිවසට පහර දීම
එහෙත් ඒ අවස්ථාවේ නැගී සිටි රොෂාන් රණසිංහ මහතා තමා එසේ ස්වාධීන වන කණ්ඩායමට ඇතුළත් නොවන බවත් තව දුරටත් ආණ්ඩුව සමග සිටින බවත් පාර්ලිමේන්තුව අමතා සඳහන් කළා.
එසේ ඉල්ලා අස්වීමෙන් පසු විරෝධකරුවන් ඔහුගේ පොළොන්නරුවේ පිහිටි නිවස වටලා එම නිවසට පහරදී එහි තිබූ වාහන ඇතුළු බොහෝ දේපළවලට දැඩි අලාභයක් සිදු කළා.
2022 දෙසැම්බර් 23, පෙ.ව. 11:01
2022 දෙසැම්බර් 23, පෙ.ව. 10:44
2022 දෙසැම්බර් 23, පෙ.ව. 9:16
2022 දෙසැම්බර් 22, ප.ව. 1:55
2022 දෙසැම්බර් 21, පෙ.ව. 8:11