2022 අප්‍රේල් 29, පෙ.ව. 1:14
අන්තර් වාර රජයක් පිහිටුවීම සඳහා ජනපතිවරයා සමඟ අද (29) පැවැත්වෙන සාකච්ඡාවට සහභාගි වීමට ආණ්ඩුවේම ස්වාධීන මන්ත්‍රී කණ්ඩායම තීරණය කොට තිබෙනවා.
ඔවුන් එම තීරණය ගත්තේ ඊයේ (28) පක්ෂ 11 කණ්ඩායම ඇතුළු ස්වාධීන මන්ත්‍රී කණ්ඩායම් පැවැත් වූ සාකච්ඡාවකදී.
පුද්ගලික ප්‍රශ්න පසෙකට
පක්ෂ 11 කණ්ඩායම නියෝජනය කරන ශ්‍රී ලංකා නිදහස් පක්ෂයේ මන්ත්‍රීවරු දෙපලක් වන ශාන්ත බණ්ඩාර සහ ආචාර්ය සුරේෂ් රාඝවන් හා නව වාමාංශික පෙරමුණේ මන්ත්‍රීවරයෙකු වන වෛද්‍ය ගයාෂාන් නවනන්දන යන මහත්වරුන්ට රාජ්‍ය අමාත්‍ය ධුර දී ආණ්ඩුවට සම්බන්ධ කර ගැනීම සම්බන්ධයෙන් එම කණ්ඩායම මීට පෙර තීරණයක් ගෙන තිබුණා.
ඒ ඔවුන් තිදෙනා රාජ්‍ය අමාත්‍ය ධුර වලින් ඉවත් කරන තුරු ජනපතිවරයා සමග කිසිදු සාකච්ඡාවකට සහභාගී නොවීමට.
එම මන්ත්‍රීවරුන් තිදෙනා රාජ්‍ය අමාත්‍යධුර දී ආණ්ඩුවට ගත්තේ ආණ්ඩුවේ බහුතරය රඳවා පවත්වා පවත්වා ගැනීම සඳහායි.
පක්ෂ වල ප්‍රශ්න වලට වඩා රටේ තිබෙන වැදගත් බැවින් සිය මන්ත්‍රීවරුන් බිලිබා ගැනීමේ සිද්ධිය පසෙකට දැමූ බව එම කණ්ඩායම නියෝජනය කරන උදය ගම්මන්පිල මහතා සඳහන් කරනවා.
ස්වාධීන මන්ත්‍රී කණ්ඩායම
එම කණ්ඩායම නියෝජනය කරන වාසුදේව නානායක්කාර මහතා සඳහන් කරන්නේ ස්වාධීන මන්ත්‍රී කණ්ඩායම වෙනමම ජනපතිවරයා මුණ ගැසෙන බවයි.
ආණ්ඩුව සමඟ සිටින හා ස්වාධීන වූ මන්ත්‍රී කණ්ඩායම ලෙස ආණ්ඩුවේම මන්ත්‍රී කණ්ඩායම් දෙකක් සිටින බවත් එම පිරිස සමඟ තමන් ජනපතිවරයා මූණ ගැසීමට සූදානම් නැති බවද නානයක්කාර මහතා අවධාරණය කරනවා.
ඒ හැරුණුකොට අග්‍රාමාත්‍යවරයා සහභාගී වන රැස්වීමකටද තමන් සහභාගි වීමට සූදානම් නැති බවද ඔහු පෙන්වා දෙනවා.
දැන් තමන්ගේ සාකච්ඡා තිබෙන්නේ ජනපතිවරයා සමග පමණක් බවයි නානයක්කාර මහතා සඳහන් කරන්නේ.’
ස්වාධීන මන්ත්‍රී සංඛ්‍යාව
එසේ ජනපතිවරයා මුණ ගැසීමට යන ස්වාධීන මන්ත්‍රී සංඛ්‍යාව පිළිබඳවද ඔහු හෙළිදරව් කරනවා.
ඒ සිය ස්වාධීන මන්ත්‍රී කණ්ඩායම සමඟ සිටින මන්ත්‍රීවරු 50 දෙනෙකු එම සාකච්ඡාවට යන බවටයි.
2022 දෙසැම්බර් 23, පෙ.ව. 11:01
2022 දෙසැම්බර් 23, පෙ.ව. 10:44
2022 දෙසැම්බර් 23, පෙ.ව. 9:16
2022 දෙසැම්බර් 22, ප.ව. 1:55
2022 දෙසැම්බර් 21, පෙ.ව. 8:11