2022 අප්‍රේල් 25, ප.ව. 4:29
අග්‍රාමාත්‍යවරයාට සහාය පළ කරමින් පොදුජන පෙරමුණේ මන්ත්‍රීවරුන් අත්සන් තබා ඇති සංඛ්‍යාව උදය ගම්මන්පිල මහතා විසින් එළිදරව් කොට තිබෙනවා.
ඔහු සඳහන් කරන්නේ එසේ අත්සන් තබා ඇති සංඛ්‍යාව 46 ක් පමණක් බවයි.
අත්සන් ව්‍යාපාරය
ඔහු වැඩි දුරටත් සඳහන් කරන්නේ අගමැතිවරයාට සහාය පළ කරමින් අත්සන් තැබීමේ එම ව්‍යාපාරය ඉකුත් සති අන්තයේ ආරම්භ වූ බවයි.
ඒ සඳහා පොදු ජන පෙරමුණේ ප්‍රධාන ලේකම් සාගර කාරියවසම් මහතා පුද්ගලිකව පොදුජන පෙරමුණ මන්ත්‍රීවරුන්ට දුරකතනයෙන් කතා කරමින් බලපෑම් කළ ආකාරයද ගම්මන්පිල මහතා හෙළිදරව් කරනවා.
අනිවාර්යෙන්ම එම ලිපියට අත්සන් කළ යුතු බවට පොදුජන පෙරමුණ මන්ත්‍රීවරුන්ට බලපෑම් කළ බවයි ඔහු අනාවරණය කරන්නේ.
මන්ත්‍රීවරුන්ගේ සංඛ්‍යාව
එසේ අත්සන් ගැනීමට හැකි වූයේ මන්ත්‍රීවරුන් 46 කගේ පමණක් වන බැවින් එම උත්සාහය මේ වන විට එම පාර්ශවය අත්හැර දමා ඇති බවද ඔහු සඳහන් කරනවා.
ගම්මන්පිල මහතා එසේ සඳහන් කරන්නේ පොදු ජන පෙරමුණ ලේකම්වරයාට අභියෝගයක්ද කරමින්.
ඒ තමා හෙළිදරව් කරන ගණන් හිලව් එසේ නොවන්නේ අගමැතිවරයාට සහාය පළ කරමින් එකතු කළ අත්සන් ලේඛනය මහාම ප්‍රසිද්ධ කරන ලෙසටයි.
ආණ්ඩුවේ මන්ත්‍රි සංඛ්‍යාව
ගම්මන්පිල මහතා මෙම කරුණු හෙළිදරව් කරමින් අදාල අභියෝගය කළේ පිවිතුරු හෙළ උරුමයේ මාධ්‍ය හමුවක් අමතමින්
.පොදු ජන පෙරමුණට පාර්ලිමේන්තුවේ මන්ත්‍රීවරුන් 157 කගේ සහය හිමිව තිබුණා.
ඊට සමගි ජන බලවේගයෙන් පාර්ලිමේන්තුවෙන් තේරී පත්වී සිටී මන්ත්‍රීවරුන් 8 දෙනෙකුද ඇතුළත්.
2022 දෙසැම්බර් 23, පෙ.ව. 11:01
2022 දෙසැම්බර් 23, පෙ.ව. 10:44
2022 දෙසැම්බර් 23, පෙ.ව. 9:16
2022 දෙසැම්බර් 22, ප.ව. 1:55
2022 දෙසැම්බර් 21, පෙ.ව. 8:11