2022 ජූනි 06, ප.ව. 1:59
මහ බැංකු අධිපති ආචාර්ය නන්දලාල් වීරසිංහ මහතාගේ ධුර කාලය මේ මස 30 වනදායින් අවසන් වීමට නියමිත බව වාර්තා වනවා.
ඒ අනුව ඔහුගේ ධුර කාලය දීර්ඝ කිරීමට හෝ එම ධුරයට නව පත් කිරීමක් සිදු කිරීමට සිදුවනු ඇති.
එලෙස ධුර කාලය දීර්ඝ කිරීම හෝ නව පත් කිරීමක් සිදුකළ හැක්කේ ජනාධිපතිවරයාටයි.
ඒ සදහා මුදල් අමාත්‍යවරයා ලෙස අග්‍රාමාත්‍යවරයාගේ නිර්දේශය ලබාගත යුතු වනවා.
හිටපු ඇමති බෑණා
දේශපාලන ආරංචි මාර්ග සඳහන් කළේ දිනේෂ් වීරක්කොඩි මහතා නව මහ බැංකු අධීපතිවරයා ලෙස පත් කිරීමමේ සූදානමක් පවතින බවයි.
දිනේෂ් වීරක්කොඩි මහතා හිටපු අමාත්‍යවරයෙකු වන ජෝන් අමරතුංග මහතාගේ බෑණා බවයි වාර්තා වන්නේ.
මේ අතර සති අන්ත පුවත්පතක් වාර්තා කර තිබුණේ වත්මන් මහ බැංකු අධිපති නන්දලාල් වීරසිංහ මහතා එම ධුරයෙන් ඉවත් කළ යුතු බවට අග්‍රාමාත්‍ය රනිල් වික්රමසිංහ මහතා විසින් ජනාධිපතිවරයාට යෝජනා කර ඇති බවයි.
රනිල්ගේ යෝජනවට ගෝඨා බෑ කියයි
නව මහ බැංකු අධිපතිවරයා ලෙස දිනේෂ් වීරක්කොඩි මහතා පත් කළ යුතු බවටද ජනාධිපතිවරයාට යෝජනා කර ඇති බවත් එසේ නොකලහොත් ආර්ථිකය සම්බන්ධයෙන් වැදගත් තීන්දු තමන්ට ගත නොහැකි බව අග්‍රාමාත්‍යවරයා දැනුම් දී ඇති බවත් සඳහන්.
කෙසේ වෙතත් අග්‍රාමාත්‍යවරයාගේ මෙම යෝජනාව ජනාධිපතිවරයා ප්‍රතික්ෂේප කර ඇති අතර කිසිදු හේතුවක් මත නන්දලාල් වීරසිංහ මහතා මහ බැංකු අධිපති ධූරයෙන් ඉවත් නොකරන බවත් දන්වා ඇතැයි ද වාර්තා වනවා.
කෙසේ වෙතත් අග්‍රාමාත්‍ය කාර්යාලයේ ප්‍රකාශකයෙකු සඳහන් කළේ ආචාර්ය නන්දලාල් වීරසිංහ මහතා මහ බැංකු අධිපති ධුරයෙන් ඉවත් කළ යුතු බවට අග්‍රාමාත්‍ය රනිල් වික්රමසිංහ මහතා විසින් ජනාධිපතිවරයාගෙන් ඉල්ලා ඇති බවට පැතිර යන ආරංචියෙහි කිසිදු සත්‍යයක් නොමැති බවයි.
නිල කාලය අවසන්
මහ බැංකු අධිපතිවරයකුගේ නිල කාලය වසර හයක් වන අතර වත්මන් අධිපතිවරයා ගත කරමින් සිටින්නේ 2016 වසරේ පත් කරන ලද ඉන්ද්‍රජිත් කුමාරස්වාමි මහතාගේ නිල කාලයේ අවසන් මාසයයි.
කුමාරස්වාමි මහතා සිය නිල කාලය අවසන් නොකර ධුරයෙන් ඉල්ලා අස්වූ පසු ඩබ්ලිව්.ඩී. ලක්ෂ්මන්, අජිත් නිවාඩ් කබ්රාල් යන අයද මහ බැංකු අධිපතිවරැන් ලෙස කටයුතු කලේද එම ධුර කාලයේ ඉතිරි කාලයයි.
මේ වන විට නන්දලාල් වීරසිංහ මහතා ගත කරන්නේ 2016 සිට 2022 දක්වා වූ මහ බැංකු අධිපති ධූරයේ සය වසරක නිල කාලයේ අවසන් මාසයයි.
2022 දෙසැම්බර් 23, පෙ.ව. 11:01
2022 දෙසැම්බර් 23, පෙ.ව. 10:44
2022 දෙසැම්බර් 23, පෙ.ව. 9:16
2022 දෙසැම්බර් 22, ප.ව. 1:55
2022 දෙසැම්බර් 21, පෙ.ව. 8:11