2022 අප්‍රේල් 26, ප.ව. 4:09
රටේ තිබෙන අස්ථාවරභාවයට ස්ථිර විසඳුමක් ලබාදීමට නම් කළ යුතු දේ ජනතා විමුක්ති පෙරමුණ පෙන්වා දෙනවා.
ඒ ජනතාවගේ කැමැත්තෙන්ම ජන පාලනයක් ගොඩනගා ගැනීම බවයි.
සුදුසුම විසඳුම
එනම් මහ මැතිවරණයකට යා යුතු බවයි.
මේ බැව් සඳහන් කරන්නේ ජනතා විමුක්ති පෙරමුණේ මෙන්ම ජාතික ජන බලවේගයේද නායකයා වන අනුර කුමාර දිසානායක මහතායි.
එසේ පත්වන පාලනයකට රට හා තමන් මුහුණ දී සිටින ප්‍රශ්න විසඳීමට අනිවාර්යෙන්ම ජනතාව කාලයක් ලබාදෙන බව ඔහු අවධාරණය කරනවා.
එම කාලය වසරක් හෝ වසර එක හමාරක් විය හැකි බවයි ජ.වි.පෙ නායකයාගේ අදහස වන්නේ.
ප්‍රශ්න විසඳීමට
මහ මැතිවරණයකින් ජනතාව නව පාලනයක් තෝරා ගන්නේ තමන්ගේ ප්‍රශ්න විසඳීමට නම් ඒ ප්‍රශ්න විසඳීමට ජනතාව අනිවාර්යෙන්ම කාලයක් ලබා දෙන බව ඔහු අනාවරණය කරනවා.
ඔහු වැඩි දුරටත් සඳහන් කරන්නේ පවතින පාර්ලිමේන්තුව තුළ කුමන ආණ්ඩුවක් හැදුවද තමන්ගේ ප්‍රශ්න වලට විසඳුම් ඊට පසු දින ජනතාව බලාපොරොත්තු වන බවයි.
ඊට හේතුද ඔහු පෙන්වා දෙනවා.
අප්‍රේල් 3 වැනි දින පාර්ලිමේන්තුව කැඳවන විට තිබෙන ප්‍රශ්න ඒ අවස්ථාවේ විසඳුණු ඇතැයි බොහෝ අය බලාපොරොත්තු වු බව ජ.වි.පෙ නායකයා පෙන්වා දෙනවා.
විසඳුම් නැති වීම
ඒ ආකාරයට ඊට පසු තිබූ පාර්ලිමේන්තු රැස්වීමේදී යළිත් ඒ බලාපොරොත්තුව ජනතාව තුළ තිබූ මුත් එය ඉටු වූයේ නැති බවයි ඔහු සඳහන් කරන්නේ.
ඒ අවස්ථා දෙකේම තිබෙන ප්‍රශ්න වලට විසඳුම් ලබා නොදුන් බව පෙන්වා දෙන ඔහු ඊළඟ පාර්ලිමේන්තු සැසිය තිබෙන මැයි මස 4 වැනි දින වන විට මේ ප්‍රශ්න වලට කිසිදු විසඳුමක් නොදී මාසයක් ගත වී ඇති බව සඳහන් කරනවා.
2022 දෙසැම්බර් 23, පෙ.ව. 11:01
2022 දෙසැම්බර් 23, පෙ.ව. 10:44
2022 දෙසැම්බර් 23, පෙ.ව. 9:16
2022 දෙසැම්බර් 22, ප.ව. 1:55
2022 දෙසැම්බර් 21, පෙ.ව. 8:11