2022 අප්‍රේල් 27, පෙ.ව. 9:18
පාකිස්ථානයේ ඉගැන්වීම් කටයුතු කරන චීන ජාතිකයින් තිදෙනකු සහ ඔවුන්ගේ පාකිස්තාන ජාතික රියදුරා ඝාතනය කොට තිබෙනවා.
ඒ ඔවුන් ගමන් ගත් කුඩා බස් රථයකට එල්ල කළ මරාගෙන මැරෙන බෝම්බ ප්‍රහාරයකින්.
මරාගෙන මැරෙන ප්‍රහාරය
එම ප්‍රහාරයෙන් තවත් 4 දෙනකු තුවාල ලබා තිබෙනවා.
මරාගෙන මැරෙන කාන්තාවක් විසින් එල්ල කළ එම බෝම්බ ප්‍රහාරයේ වගකීම බැලොච් විමුක්ති හමුදාව (BLA) විසින් භාරගෙන තිබෙනවා.
එම විමුක්ති හමුදාව චීනය විසින් පකිස්ථානයේ කරන ආයෝජනයන්ට විරුද්ධ කණ්ඩායමක්.
ප්‍රතිලාභ සියල්ල චීනයට
එම ආයෝජන වලින් පාකිස්තානය ජාතිකයින්ට ප්‍රතිලාභයක් නැති බවටයි එම සටන්කාමීන් චෝදනා කරන්නේ.
මීට පෙරද එම කණ්ඩායම චීන ජාතිකයින් ඉලක්ක කොට ප්‍රහාර එල්ල කර තිබුනත් මරාගෙන මැරෙන කාන්තාවක් යොදාගෙන ප්‍රහාරයක් එල්ල කළේ පළමු වතාවටයි.
චීනය පාකිස්ථානය තුල දැවැන්ත ඉදිකිරීම් කටයුතුවල නියැලෙන අතර ඊට ස්වාභාවික සම්පත්වලින් පොහොසත් බලෝකිස්තාන ප්‍රාන්තයද ඇතුළත්.
පාකිස්තාන රජයේ ප්‍රතිචාරය
අදාල ප්‍රහාරය පකිස්ථාන රජය විසින් හෙළා දැක තිබෙන අතර එය ම්ලේච්ඡ ත්‍රස්ත ප්‍රහාරයක් ලෙසයි හඳුන්වා දී තිබෙන්නේ.
මරාගෙන මැරෙන බෝම්බ ප්‍රහාරය එල්ල කළ කාන්තාව බෝම්බ ප්‍රහාරයෙන් මියගිය චීන ජාතිකයින් සේවය කළ ආයතනයේ ගේට්ටුව අසල රැඳී සිටින අයුරුත් චීන ජාතිකයින් රැගත් කුඩා බස් රථය පැමිණෙන අවස්ථාවේ ප්‍රබල පිපිරීමක් සිදු වන ආකාරයත් සී.සී.ටී.වී දර්ශන වල සටහන්ව තිබෙන බවයි වාර්තා වන්නේ.
හිටපු අගමැති ඉම්රාන් ඛාන් මහතාට එරෙහිව විශ්වාසභංග යෝජනාවක් ගෙන ඒමට මුල් වූ එක් කරුණක් වූයේ ඔහුගේ තිබූ චීන ගැති භාවයයි.
2022 දෙසැම්බර් 22, ප.ව. 3:36
2022 දෙසැම්බර් 21, ප.ව. 7:16
2022 දෙසැම්බර් 21, පෙ.ව. 8:41
2022 දෙසැම්බර් 15, පෙ.ව. 8:31
2022 දෙසැම්බර් 10, ප.ව. 6:54