අර්බුධය මැද අලුත්ම එළවළු මිල ගණන්

2022 ජූලි 12, ප.ව. 2:59

කලකට පසු දඹුල්ල ආර්ථික මධ්‍යස්ථානයට දිවයිනේ සෑම ප්‍රදේශයකින්ම වැඩි වශයෙන් අද (12) එළවළු තොග ලැබුණු බව දඹුල්ල ආර්ථික මධ්‍යස්ථාන වෙළෙන්දෝ පවසයි.

විශේෂයෙන් පසුගිය දින කිහිපයේම ඉන්ධන අර්බුදය හේතුවෙන් යාපනය, හම්බන්තොට, මොනරාගල, වව්නියාව, අනුරාධපුර, බදුල්ල, නුවරඑළිය ආදී ප්‍රදේශ වලින් ලැබුණු එළවළු තොග ඉතා සීමිතව පැවතුණ බවද ඔවුන් සඳහන් කරයි.

එහෙත් අද (12) යාපනය අර්ධද්වීපයෙන් දඹුල්ල ආර්ථික මධ්‍යස්ථානයට වැඩි වශයෙන් වම්බටු, බීට්රුට් තොග ලැබී ඇති බව අර්ථික මධ්‍යස්ථාන වෙළෙඳ පෙන්වා දෙනවා.

සිඝ්‍රයෙන් ඉහළ ගොස් තිබූ එළවළු මිල ද යම් මට්ටමක පහත වැටී මධ්‍යස්ථ මිලකට අලෙවි වීම සිදුවන නමුත් එළවළු මිලදී ගැනීම සඳහා පැමිණෙන වෙළෙන්දන්ගේ යම්කිසි පහත වැටීමක් තිබෙන බව ඔහු පෙන්වා දෙනවා.

ඒ අනුව දඹුල්ල ආර්ථික මධ්‍යස්ථානයේ අද (12) පෙරවරුවේ එළවළු කිලෝවක තොග මිල මෙසේ සඳහන්ව තිබෙනවා.

ගෝවා 200 -240

බෝංචි 280 -320

ලික්ස් 160 – 180

කැරට් 240 – 270

තක්කාලි 110 -140

රාබු 80 -90

නෝකෝල් 120 -140

කැකිරි 80 – 90

පිපිඤ්ඤා 60 – 70

වැටකොළු 120 140

බණ්ඩක්කා 190 -200