2022 නොවැම්‍බර් 01, පෙ.ව. 11:55
අද මධ්‍යම රාත්‍රියේ සිට ක්‍රියාත්මක වන පරිදි ආහාර වර්ග 4ක මිල රුපියල් 10කින් පහළ දැමීමට තීරණය කර ඇති බව ආපනශාලා හිමියන්ගේ සංගමය පවසයි.
ඒ අනුව මෙලෙස රුපියල් 10කින් මිල අඩුකර ඇත්තේ රෝල්ස්, පරාට, බිත්තර රොටී, එළවලු රොටී යන ආහාර වර්ගවලයි.
එසේම ප්ලේන් ටී එකක් රුපියල් 30කටත් කිරි තේ එකක් රුපියල් 100කටත් අලෙවි කිරීමට බලාපොරොත්තු වන බවද එම සංගමයේ සභාපති අසේල සම්පත් මහතා වැඩිදුරටත් පැවසුවා.
