2022 ජූනි 23, ප.ව. 2:58
මන්නාරම වලෙයිකුඩා මුහුදු සීමාවේ මසුන් අල්ලමින් සිටි ධීවරයින් පිරිසකට ඉතා දුර්ලභ වර්ගයේ මත්ස්‍ය විශේෂයක් වූ සන් ෆිස් නැමති මත්ස්‍යයෙකු ඇතුලු සරු මත්ස්‍ය අස්වැන්නක් ඊයේ (22) දින ලැබී ඇතැයි වාර්තා වෙනවා.
මන්නාරම් බොක්ක ආසන්නයේ පිහිටි මෙම මුහුදු සීමාවේදී කොරල්පර විශේෂ 104 ක්, විශේෂ මුහුදු පැලෑටි 147, විවිධ වූ මසුන් වර්ග, කැස්බෑවුන් බහුලව ජීවත්වෙන අතර නම් කරන ලද එම ස්ථානයන්හි ධීවරයින් මසුන් ඇල්ලීමෙන්ද වැලකී සිටිනවා.
කෙසේ වෙතත් ඊයේ දින හසුවී ඇති මෙම සන් ෆිස් නැමති මාළු විශේෂය කුඩා මුඛයක් හා වරල් අඩුවෙන් තිබුනද ප්‍රමාණයෙන් විශාලය. ඔවුන් සාමාන්‍ය වශයෙන් මුහුදේ මීටර් 200 ත් 600 ත් අතර ගැඹුරු මුහුදේ ජීවත්වන අතර එක් මත්ස්‍යයෙකු දිනකට කිලෝමීටර් 25 ක පමණ දුරක් පිහිණිම සිදුකරන බවට වාර්තා වෙනවා.
මන්නාරම් ධීවරයින්ට හසුවුනු මෙම සන්ෆිස් මාළුවෙකු කිලෝ 55 ක් පමණ බරකින් යුක්ත වන බවටද අදාල මත්ස්‍යා පිළිබඳව සමුද්‍ර පර්යේෂන විශේෂඥයින්ට දැනුම් දීමටද ධීවරයින් පියවර ගෙන තිබුණු අතර එම දුර්ලබ මාලු විශේෂය දැකබලා ගැනීමටද විශාල පිරිසක් මන්නාරම් ධීවර ජැටියට පැමිණ සිටි බව වාර්තා වෙනවා.
ඊට අමතරව ඊයේ දිනයේ විවිධ වූ මාළු වර්ග විශාල ප්‍රමාණයක් වලෙයිකුඩා මුහුදු සීමාවේදී මසුන් ඇල්ලීමට ගිය ධීවරයින්ගේ සිය දැල්වලට හසු වූ බවට මන්නාරම් ධීවරයින් වැඩිදුරටත් පැවසුවා.
2022 දෙසැම්‍බර් 24, පෙ.ව. 5:29
2022 දෙසැම්‍බර් 24, පෙ.ව. 4:59
2022 දෙසැම්‍බර් 23, ප.ව. 1:57
2022 දෙසැම්‍බර් 23, ප.ව. 12:59
2022 දෙසැම්‍බර් 23, ප.ව. 12:07