2022 මැයි 12, පෙ.ව. 8:43
එක්සත් ජාතික පක්ෂ නායක රනිල් වික්‍රමසිංහ මහතා හෙට (13) නව අග්‍රාමාත්‍යවරයා ලෙස දිවුරුම් දීමට නියමිත බව දේශපාලන ආරංචි මාර්ග සඳහන් කළා.
එක්සත් ජාතික පක්ෂ සභාපති වජිර අබේවර්ධන මහතා පවසන්නේ නව අග්‍රාමාත්‍යවරයා ලෙස දිවුරුම් දීමෙන් අනතුරුව පාර්ලිමේන්තුවේ බහුතර කැමැත්ත ලබා ගැනීමට රනිල් වික්‍රමසිංහ මහතාට හැකියාව තිබෙන බවයි.
රටේ ඇති වී තිබෙන අර්බුදය විසඳීම සම්බන්ධයෙන් ජනාධිපති ගෝඨාභය රාජපක්ෂ මහතා සහ රනිල් වික්‍රමසිංහ මහතා අතර ඊයේ රාත්‍රී සාකච්ඡාවක්ද පැවැත්වුනු අතර අද (12) පෙරවරුවේ ද සාකච්ඡාවක් පැවැත්වීමට නියමිතයි.
ඊයේ පැවැති සාකච්ඡාව ජනාධිපතිවරයාගේ ආරාධනයෙන් පැවැති අතර එය පැය 2කට ආසන්න කාලයක් පැවති බව වාර්තා වනවා.
රනිල් වික්‍රමසිංහ මහතාට පාර්ලිමේන්තු පාර්ලිමේන්තුවේ බහුතර කැමැත්ත ප්‍රකාශ කිරීම සඳහා ශ්‍රී ලංකා පොදුජන පෙරමුණ, සමගි ජන බලවේගයේ මන්ත්‍රීවරුන්ගෙන් කොටසක් සහ පාර්ලිමේන්තුව නියෝජනය කරන තවත් පක්ෂ කිහිපයක මන්ත්‍රීවරුන් මේ වන විටත් කැමැත්ත ප්‍රකාශ කර තිබෙන බව එම ආරංචි මාර්ග සඳහන් කළා.
මේ අතර අග්‍රාමාත්‍ය ධූරයට ස්වාධීන කණ්ඩායමෙන් නම් තුනක් යෝජනා කිරීමට සූදානම් වනවා.
ඒ අනුව නිමල් සිරිපාල ද සිල්වා, ඩලස් අලහප්පෙරුම, විජයදාස රාජපක්ෂ යන අයගේ නම් ඒ සඳහා යෝජනා කිරීමට නියමිතයි.
අදාල යෝජනාව ජනාධිපතිවරයාට යොමු කර ඇති බව වාර්තා වනවා.
2022 දෙසැම්බර් 23, පෙ.ව. 11:01
2022 දෙසැම්බර් 23, පෙ.ව. 10:44
2022 දෙසැම්බර් 23, පෙ.ව. 9:16
2022 දෙසැම්බර් 22, ප.ව. 1:55
2022 දෙසැම්බර් 21, පෙ.ව. 8:11