2022 ඔක්‍තෝබර් 20, ප.ව. 4:28
ප්‍රසිද්ධ ව්‍යාපාරිකයකුගෙන් රුපියල් විසි දෙකෝටි හැට දෙලක්ෂයකට අධික මුදලක් වංචාකර සාවද්‍ය පරිහරණය කළයි රක්ෂිත බන්ධනාගාර ගතකර සිටින තිළිණි ප්‍රියමාලි නැමැත්තිය හට අධිකරණ අමාත්‍යවරයා අනියමින් හෝ සහයෝගය දක්වනවා යන්න හැඟවෙන පරිදි ෆේස්බුක් තුළ සටහන් දැමූ පුද්ගලයින් හට එරෙහිව වහාම පරීක්ෂණයක් පවත්වන ලෙස අධිකරණ අමාත්‍යවරයා අපරාධ විමර්ශණ කොට්ඨාශයට ලිපියක් නිකුත් කරමින් කියා සිටිනවා.
එම ලිපියේ සඳහන් වන පරිදි එම අසත්‍ය සහ ද්වේෂසහගත පෝස්ටුව ප්‍රචාරය කිරීම සමස්ත නීති පද්ධතියටම දැඩි අගතියක් සිදු කර ඇති බව පෙන්වා දෙනවා.
එම ලිපිය පහතින්,
අධ්‍යක්ෂ,
අපරාධ විමර්ශන කොට්ඨාශය,
ශ්‍රී ලංකා පොලිසිය, යෝර්ක් වීදිය,
කොළඹ 1,
දැනට පවතින නඩුවක රිමාන්ඩ් සිරකරුවෙකුට පක්ෂග්‍රාහී ලෙස සලකන බවට චෝදනා කරමින් අසත්‍ය හා ද්වේෂසහගත ෆේස්බුක් සටහනක් විශේෂ යැයි චෝදනා කරමින් ෆේස්බුක් සටහනක් ඇති බව බොහෝ දෙනෙකුගේ අවධානයට ලක්ව ඇත.
අධිකරණ හා බන්ධනාගාර අමාත්‍යවරයා ලෙස මා විසින්ම රිමාන්ඩ් සිරකරුවෙකුට සැලකීම,ඔහු විසින් අධිකරණය ඇතුළු සමස්ත නීතිය ක්‍රියාත්මක කිරීමේ පද්ධතියම හාස්‍යයට හා ගර්හාවට ලක් කරන තත්ත්වයකට ගෙන ආ එම සාවද්‍ය චෝදනාව පළ කළ පුද්ගලයාගේ විස්තර සහ එම පෝස්ටුවෙහි පිටපතක් මෙයින් අමුණමි.
දැනට විභාග වෙමින් පවතින නඩුවක් (උප විනිශ්චය) සම්බන්ධයෙන් විද්‍යුත් මාධ්‍ය හරහා එම අසත්‍ය සහ ද්වේෂසහගත පෝස්ටුව ප්‍රචාරය කිරීම සමස්ත නීති පද්ධතියටම දැඩි අගතියක් ඇති කර ඇති අතර එයට පිළියම් යෙදීමට අවශ්‍ය වේ. එය ශ්‍රී ලංකාවේ අධිකරණ පද්ධතියේ සහ අපරාධ යුක්ති ක්‍රියාවලියේ අඛණ්ඩතාවයට ද බලපායි. තවද එය කොටුව මහේස්ත්‍රාත් අධිකරණයේ පවතින නඩුවක් ගැන සඳහන් වන නිසාත්, මෙය ශ්‍රී ලංකාවේ නීති පද්ධතියට කැළලක් වන නිසාත්, සමස්ත ජනතාවගේ මනසට අගතියක් ඇති කරනු ලබන බව මා තරයේ විශ්වාස කරමි.
එම නිසා සිදු කර ඇති මෙම වරදේ බරපතල ස්වභාවය සහ එල්ල වී ඇති චෝදනාව සැලකිල්ලට ගනිමින්, ඔබගේ පහසුව අනුව පරීක්ෂණයක් පවත්වා කොටුව අධිකරණයේ මහේස්ත්‍රාත්තුමා වෙත ඉදිරිපත් කර ඉදිරි ක්‍රියාමාර්ග ගන්නා ලෙස ඉල්ලා සිටිමි.
ස්තුතියි.
මෙයට – විශ්වාසී,
ආචාර්ය විජයදාස රාජපක්ෂ, ජනාධිපති නීතිඥ
(අධිකරණ, බන්ධනාගාර සහ ව්‍යවස්ථා ප්‍රතිසංස්කරණ අමාත්‍ය)
2022 දෙසැම්‍බර් 23, පෙ.ව. 11:01
2022 දෙසැම්‍බර් 23, පෙ.ව. 10:44
2022 දෙසැම්‍බර් 23, පෙ.ව. 9:16
2022 දෙසැම්‍බර් 22, ප.ව. 1:55
2022 දෙසැම්‍බර් 21, පෙ.ව. 8:11