2022 අප්‍රේල් 29, පෙ.ව. 1:19
අග්‍රාමාත්‍යවරයාට එරෙහිව විශ්වාසභංග යෝජනාවක් ගෙන ඒම සම්බන්ධයෙන් එක්සත් ජාතික පක්ෂය ප්‍රශ්න කරනවා.
අගමැතිට එරෙහි විශ්වාසභංග යෝජනාව ජයග්‍රහණය කිරීමෙන් රටේ ජනතාව බලාපොරොත්තු වන අරමුණ ඉටු වනවා දැයි යන්නත් එම පක්ෂය ප්‍රශ්න කරනවා.
උපක්‍රමශීලී තීන්දුවක්
ඒ නිසා එ.ජා.ප ය අවධාරණය කරන්නේ විශ්වාසභංග යෝජනාව ඉතා උපක්‍රමශීලීව ගෙන ආ යුතු බවයි.
එ.ජා.පය වෙනුවෙන් මේ අදහස් පල කරන්නේ එහි උප නායකයා වන හිටපු අමාත්‍යවරයෙකු වූ අකිල විරාජ් කාරියවසම් මහතායි.
කාරියවසම් මහතා පෙන්වා දෙන්නේ අග්‍රාමාත්‍යවරයාට එරෙහිව ගෙන එන විශ්වාසභංග යෝජනාවක් ජයග්‍රහණය කළ විට අග්‍රාමාත්‍යවරයා හා ඇමති මණ්ඩලය සතුව තිබූ බලතල යළි ජනපතිවරයා වෙත හිමි වන බවයි.
අර්බූදයේ වගකිව යුත්තා
ජනතාව බලාපොරොත්තු වන්නේ එය දැයි ප්‍රශ්න කරන කාරියවසම් මහතා අද රට තුළ ඇතිව තිබෙන බහුතරයක් ප්‍රශ්න වලට බලපෑ තීන්දු ගෙන තිබෙන්නේ ජනපතිවරයා බැවින් තීන්දුවක් ගත යුත්තේ ඔහු සම්බන්ධයෙන් බව සඳහන් කරන්නේ ඊට උදාහරණද පෙන්වා දෙමින්.
විශේෂයෙන්ම ගොවිතැන සම්බන්ධයෙන් ගත් රසායනික පොහොර ආනයනය නතර කිරීම ඊට එක් උදාහරණයක් බව ඔහු අවධාරණය කරනවා.
ජනපතිවරයාට එරෙහිව දෝෂාභියෝගයක් ගෙන ඒම සංකීර්ණ වැඩ පිළිවෙළක් බැවින් කළ යුත්තේ ජනපතිවරයාට එරෙහිව විශ්වාසභංගයක් පාර්ලිමේන්තුවට ගෙන ඒම බවයි හිටපු අමාත්‍යවරයාගේ මතය වන්නේ.
ව්‍යවස්ථාවේ ප්‍රතිපාදන
ඔහු වැඩි දුරටත් සඳහන් කරන්නේ ආණ්ඩුක්‍රම ව්‍යවස්ථාවේ 8 වැනි වගන්තියේ 42 පරිච්ඡේදයෙන් ඊට ප්‍රතිපාදන සපයා තිබෙන බවයි.
ජනපතිවරයාට එරෙහිව එසේ විශ්වාසභංග යෝජනාවක් ගෙනවිත් එය ජයග්‍රහණය කළහොත් ජනපතිවරයාට තමන් දරන ධුරයෙන් ඉල්ලා අස් වීමේ සදාචාරාත්මක අයිතියක් තිබෙන බවයි කාරියවසම් මහතා පෙන්වා දෙන්නේ.
2022 දෙසැම්බර් 23, පෙ.ව. 11:01
2022 දෙසැම්බර් 23, පෙ.ව. 10:44
2022 දෙසැම්බර් 23, පෙ.ව. 9:16
2022 දෙසැම්බර් 22, ප.ව. 1:55
2022 දෙසැම්බර් 21, පෙ.ව. 8:11