තුන්වැනි ලෝක යුද්ධයක් ඇතිවීමට පුළුවන් : රුසියාවෙන් බටහිරට අනතුරු ඇඟවීමක්

2022 අප්‍රේල් 26, ප.ව. 4:38

---

---

තුන් වැනි ලෝක යුද්ධයක් ඇති විය හැකි බවට අනතුරු ඇඟවීමක් රුසියානු විදේශ කටයුතු ඇමති සර්ජේ ලැව්රෝ (SERGEI LAVROV) අනතුරු අඟවනවා.

ඔහු එසේ අනතුරු අඟවන්නේ යුක්රේනියාවට යුද ආධාර සපයන නේටෝ සංවිධානය ඇතුළු යුරෝපා සංගම් රටවලට.

යුධ ආධාර

එසේ යුධ ආධාර සපයමින් නේටෝ සංවිධානයේ සහ යුරෝපා සංගම් රටවල් පවතින යුද්ධයට වක්‍රාකාරයෙන් දායක වී ඇති බවට රුසියානු විදේශ කටයුතු ඇමතිවරයා චෝදනා කරනවා.

නේටෝව හා යුරෝපා සංගම් රටවලින් යුක්රේනියාවට ලැබෙන යුධ ආධාර මත යුක්රේනියා හමුදාවන් රුසියා හමුදාවලට දැඩි ප්‍රතිචාර දක්වා තිබෙනවා.

මේ නිසා රුසියාව යුක්රේනියාව ආක්‍රමණය කොට මාස 2 කට අධික කාලයක් ගතව ඇති මුත් මෙතෙක් අල්ලා ගැනීමට හැකිව තිබෙන්නේ මරිපොල් නගරයේ පමණයි.

වැදගත් සාකච්ඡාව

රුසියානු විදේශ කටයුතු ඇමතිවරයා මෙම චෝදනාව කරන්නේ ඉතා වැදගත් සාකච්ඡාවක් පැවැත්වීමට ආසන්න මොහොතක.

එක්සත් ජාතීන්ගේ සංවිධානයේ මහ ලේකම් ඇන්ටෝනියෝ ගුටෙරස් (ANTONIO GUTERRES) රුසියානු ජනපතිවරයා වන වැල්ඩ්මි පුටින් (VALDIMIR PUTIN) සමඟ සාකච්ඡා කිරීමට රුසියාවට පැමිණීමට නියමිතව තිබියදී.

එක්සත් ජාතීන්ගේ මහ ලේකම්වරයා හා රුසියානු ජනපතිවරයා අතර විශේෂ කරුණු දෙකක් සම්බන්ධයෙන් සාකච්ඡා පැවැත්වීමට නියමිතයි.

වැදගත් කරුණු දෙකක්

ඉන් එකක් වන්නේ සටන් විරාමයක් ඇති කර ගැනීම ගැනීම සම්බන්ධයෙන්.

අනිත් කරුණ වන්නේ යුද්ධය නිසා සිරි වී සිටින මරිපොල් (MARIAPOL) නගර වාසීන්ට එම නගරයෙන් පිටවීම සඳහා ආරක්ෂිත කොරිඩෝවක් ලබා දීම සම්බන්ධයෙන්.

---