2022 අගෝස්‍තු 11, ප.ව. 6:10
පාපැදිය නවතාගෙන සිටි 14 හැවිරිදි පාසල් සිසුවක් අද (11) දහවල් අවාසනාවන්ත ලෙස මෝටර් රථයකට යටවීමෙන් එම ස්ථානයේදීම මියගොස් තිබෙනවා.
අනතුර සිදු වී තිබුණේ පානදුර මාලමුල්ල පොකුණ හන්දියේදීයි.
මියගොස් ඇත්තේ පානදුර පින්වල ප්‍රදේශයේ පදිංචිව සිටි විහඟ සදෙව් ද සිල්වා නමැති 14 හැවිරිදි පාසල් සිසුවෙක්.
එම සිසුවා පානදුර රාජකීය විද්‍යාලයේ 9 වන ශ්‍රේණියේ ඉගෙනුම ලබමින් සිටි බව පොලීසිය පැවසුවා.
ඔහු උපකාරක පන්තියකට සහභාගී වී ආපසු පැමිණෙමින් සිටියදී මාලමුල්ල ග්‍රාමීය බැංකුව ඉදිරිපිට මාර්ගය ආසන්නයේ පාපැදිය නවතාගෙන සිටිය දී මෙම අනතුර සිදු වී තිබෙනවා.
‘L’ සංඥාව සහිත පුවරුවක් ප්‍රදර්ශනය කරමින් කාන්තාවක් ධාවනය කරගෙන පැමිණි මෝටර් රථයක් එලෙස මාර්ගයෙන් ඉවතට පැන මෙම දරුවා යටකරගෙන ඉදිරියට ධාවනය වී තිබෙනවා.
ඇයට රියදුරු බලපත්‍රයක් ඇතත් නිසි අයුරින් රිය පැදවීමට පුහුණුව නොමැති හෙයින් ‘L’ පුවරුවක් මෝටර් රථයේ දෙපස ප්‍රදර්ශනය කර රිය පදවා තිබු බවද පොලීසිය පවසයි.
2022 දෙසැම්‍බර් 24, පෙ.ව. 5:29
2022 දෙසැම්‍බර් 24, පෙ.ව. 4:59
2022 දෙසැම්‍බර් 23, ප.ව. 1:57
2022 දෙසැම්‍බර් 23, ප.ව. 12:59
2022 දෙසැම්‍බර් 23, ප.ව. 12:07