2022 අප්‍රේල් 23, ප.ව. 7:26
අසල්වැසි ඉන්දියාව මේ වන විට ශ්‍රී ලංකාවේ ගැලවුම්කරුවා බවට පත්ව තිබෙනවා.
ඒ විශේෂයෙන්ම බලශක්ති අර්බුදය සඳහා අවශ්‍ය ප්‍රතිපාදන සපයමින්.
දහවල් ආහාර වේල
එහෙත් ඉන්දියාවේ තත්ත්වයද යහපත් නොවන බවයි වාර්තා වන්නේ.
ජනගහනයෙන් අති බහුතරයක් අන්ත දුගී දුප්පත් කමින් පෙළෙන ඉන්දියාවේ රාජ්‍ය අනුග්‍රහය ලබන පාසල් වල අධ්‍යාපනය ලබන සිසු සිසුවියන්ට නොමිලේ ලබාදෙන දිවා ආහාර වේල මේ වන විට අභියෝගයන්ට මුහුණ දී සිටිනවා.
ඉන්දියාවේ අති බහුතරයක් දරු දැරියන් පාසල් පැමිණෙන්නේ නොමිලේ ලබාදෙන මෙම දවල් ආහාර වේල ලබා ගැනීම සඳහායි.
එනිසා කොවිඩ් වසංගතය හේතුවෙන් පාසල් වසා දැමූ තිබූ වසර 2 කට ආසන්න කාලය තුළ අති බහුතරයක් පාසල් දරුවන් බඩගින්නෙ පෙළුණු බවයි ඉන්දීය මාධ්‍ය පෙන්වා දෙන්නේ.
ලොව විශාලතම ව්‍යාපෘතිය
එම වැඩ පිළිවෙළ හැඳින්වෙන්නේ නොමිලයේ ආහාර වේලක් ලබා ගැනීම සඳහා දරු දැරියන් පාසල් පැමිණෙන ලොව දියත් වන විශාලතම ව්‍යාපෘතිය ලෙසයි.
කොවිඩ් වසංගතය හේතුවෙන් වසර 2 කට ආසන්න කාලයක් පාසල් වසා දැමීමට සිදුවීම නිසා නොමිලේ ලබා දෙන ආහාර වේලද නතර වී තිබුණා.
එහෙත් යළිත් මේ වර්ෂයේ ජනවාරි මස පාසල් විවෘත කළ අතර මේ වන විට යළිත් නොමිලේ දහවල් ආහාර වේල ලබා දීම බොහෝ පාසල් වලට අභියෝගයක් වී තිබෙන බවයි ඉන්දීය මාධ්‍ය වාර්තා කරන්නේ.
එක්සත් ජාතීන්ගේ සහය
එම වැඩසටහන සඳහා එක්සත් ජාතීන්ගේ ලෝක ආහාර වැඩ සටහනේ සහායද හිමි වන අතර එය භාරව සිටින බිස්හව් පරජූලි ( BISHOW PARAJULI) සඳහන් කරන්නේ බඩගින්න මත දරුවන්ට කිසි දෙයක් කිරීමට නොහැකි බවත්
ගණිතය , විද්‍යාව , ඉංග්‍රීසි ඇතුළු විෂයන් කෙරෙහි අවධානය යොමු කිරීම හෝ වෙනත් බාහිර ක්‍රියාවක් බඩගින්න මත කිරීමට නොහැකි බවයි.
මෙසේ ඉන්දියාවේ දහවල් ආහාරය පාසැල් වෙතින් නොමිලේ ලබන දරු දැරියන්ගේ සංඛ්‍යාව මිලියන 118 ක් වන අතර එය රජයේ අනුග්‍රහය ලබන පාසල්වල අධ්‍යාපනය ලබන දරු දැරියන්ගෙන් 87% ක ප්‍රතිශතයකට හිමිකම් කියනවා.
මෙම වැඩසටහන මුලින්ම ආරම්භ වූයේ 1925 දී එදා මදුරාසිය නමින් හැඳින් වූ අද චෙන්නායි නමින් හඳුන්වන නගරයේදී.
2022 දෙසැම්බර් 22, ප.ව. 3:36
2022 දෙසැම්බර් 21, ප.ව. 7:16
2022 දෙසැම්බර් 21, පෙ.ව. 8:41
2022 දෙසැම්බර් 15, පෙ.ව. 8:31
2022 දෙසැම්බර් 10, ප.ව. 6:54